మాడ్రిడ్‌: ప్రపంచ ఛాంపియన్‌షిప్స్‌ నుంచి మాజీ టాప్‌సీడ్‌ షట్లర్‌ కరోలినా మారిన్‌ వైదొలిగింది. రాబోయే టోర్నీలతోపాటు, ఫిట్‌నెస్‌ నేపథ్యంలో ఈ నిర్ణయం తీసుకున్నట్లు మారిన్‌ శుక్రవారం ఓ ప్రకటనలో వెల్లడించింది. మూడుసార్లు ప్రపంచ ఛాంపియన్‌షిప్‌ టైటిల్‌ నెగ్గిన స్పెయిన్‌కు చెందిన మారిన్‌.. 2016 రియో ఒలింపిక్స్‌లో స్వర్ణ పతకం నెగ్గింది. ఇటీవల జరిగిన ఆల్‌ ఇంగ్లండ్‌ ఛాంపియన్‌షిప్స్‌, స్విస్‌ ఓపెన్‌కూ 28ఏళ్ల మారిన్‌ దూరంగా ఉంది. దీంతో స్వదేశంలో జరగనున్న టోర్నమెంట్‌ నుంచి మళ్లీ రాకెట్‌ పడుతుందని ఆశించిన అభిమానులకు నిరాశే దక్కింది. ఇటీవల జరిగిన టోక్యో ఒలింపిక్స్‌కూ మారిన్‌ గాయం కారణంగా దూరంగా ఉన్న సంగతి తెలిసిందే.
మీ స్నేహితులకు రికమెండ్ చెయ్యండి
