- భారత్‌తో టెస్టులకు దూరమయ్యే అవకాశం
జొహనెస్‌బర్గ్‌ : భారత్‌తో టెస్టు సిరీస్‌కు దక్షిణాఫ్రికా వికెట్‌ కీపర్‌ బ్యాటర్‌ క్వింటన్‌ డికాక్‌ దూరమయ్యే అవకాశం కనిపిస్తోంది. క్వింటన్‌ డికాక్‌ భార్య శాష వచ్చే జనవరిలో తొలి సంతానానికి జన్మనివ్వబోతుంది. కోవిడ్‌-19 పరిస్థితుల్లో బయో బబుల్‌ను దృష్టిలో ఉంచుకుని డికాక్‌ కనీసం రెండు, మూడో టెస్టుకు దూరం కానున్నాడు. ఈ మేరకు దక్షిణాఫ్రికా సెలక్షన్‌ కన్వీనర్‌ విక్టర్‌ సూత్రప్రాయంగా వెల్లడించాడు. డికాక్‌ చివరి టెస్టుకు దూరమయ్యే అవకాశం ఉందని వెల్లడించాడు. డికాక్‌ గైర్హాజరీలో కైల్‌ వెరీయానె, రియాన్‌ రికెల్టన్‌లు టెస్టు జట్టులోకి ఎంపికయ్యేందుకు అవకాశం ఉంది.
మీ స్నేహితులకు రికమెండ్ చెయ్యండి
