- ఐసీసీ ప్లేయర్‌ ఆఫ్‌ ది మంథ్‌ అవార్డు
దుబాయ్ : ఐపీఎల్‌ పేలవ ఫామ్‌ను మరిపిస్తూ టీ20 ప్రపంచకప్‌లో అదరగొట్టిన డెవిడ్‌ వార్నర్‌.. ఐసీసీ అవార్డును సొంతం చేసుకున్నాడు. అద్వితీయ ప్రదర్శనతో ఆస్ట్రేలియాను తొలిసారి టీ20 ప్రపంచకప్‌ విజేతగా నిలిపిన డెవిడ్‌ వార్నర్‌ ఐసీసీ ప్లేయర్‌ ఆఫ్‌ ది మంథ్‌ (నవంబర్‌)గా నిలిచాడు. ' డెవిడ్‌ వార్నర్‌ తిరిగి తన విధ్వంసక రూపంలోకి వచ్చాడు. 151 స్ట్రయిక్‌రేట్‌తో నాలుగు ఇన్నింగ్స్‌ల్లోనే 209 పరుగులు చేయటం వార్నర్‌ జోరుకు నిదర్శనం. ఆరంభంలో డెవిడ్‌ వార్నర్‌ విధ్వంసం నుంచి కోలుకునే అవకాశమే ఉండదు. అతడి జోరు చూడటం కనుల పండుగ' అని ఐసీసీ జ్యూరీ సభ్యుడు మాథ్యూస్‌ అన్నాడు. ఐసీసీ ప్లేయర్‌ ఆఫ్‌ ది మంథ్‌ అవార్డును అందుకోవటం వార్నర్‌కు ఇది రెండోసారి. మార్చిలోనూ వార్నర్‌ ఈ అవార్డును సొంతం చేసుకున్నాడు.
మీ స్నేహితులకు రికమెండ్ చెయ్యండి
