- బిడబ్ల్యుఎఫ్‌ ప్రపంచ ఛాంపియన్‌షిప్స్‌
హెల్వా(స్పెయిన్‌): బిడబ్ల్యుఎఫ్‌ ప్రపంచ ఛాంపియన్‌షిప్స్‌లో భారత షట్లర హెచ్‌ఎస్‌ ప్రణయ్ రారు సంచలనం సృష్టించాడు. బుధవారం జరిగిన రెండోరౌండ్‌ పోటీలో మలేషియాకు చెందిన డారెన్‌ లీపై వరుససెట్లలో గెలుపొంది మూడోరౌండ్‌లోకి ప్రవేశించాడు. రెండోరౌండ్‌లో ప్రణరు 21-7, 21-17తేడాతో డారెన్‌ను చిత్తుచేశాడు. తొలిసెట్‌ను సునాయాసంగా గెలిచిన ప్రణయ్.. రెండో సెట్‌ను చేజిక్కించుకొనేందుకు చెమటోడ్చాల్సి వచ్చింది. ఇక మహిళల డబుల్స్‌లో అశ్విని పొన్నప్ప-సిక్కిరెడ్డి జోడీ 14వ సీడ్‌కు షాక్‌ ఇచ్చి ప్రి క్వార్టర్‌ఫైనలోకి ప్రవేశించారు. పొన్నప్ప-సిక్కిరెడ్డి జోడీ 21-11, 9-21, 21-13 తేడాతో చైనీస్‌ తైపీకి చెందిన లీ-కుయాన్‌, కీ-యు-టింగ్‌ను చిత్తుచేశారు. మరో పోటీలో ఎంఆర్‌ అర్జున్‌-ధృవ్‌ కపిల జోడీ 11-21, 16-21తో వ్లాదిమిర్‌ ఇవనోవ్‌-ఇవాన్‌ సోజోనోవ్‌ చేతిలో ఓడారు.