- ప్రొ కబడ్డీ లీగ్‌ సీజన్‌-8 నేటినుంచే
బెంగళూరు: ప్రొ కబడ్డీ లీగ్‌(పికెఎల్‌) సీజన్‌-8 బుధవారం నుంచి ప్రారంభం కానుంది. పికెఎల్‌లో ఈసారి 12జట్లు బరిలోకి దిగనున్నాయి. నేడు జరిగే బెంగళూరు బుల్స్‌ - యు ముంబ తొలి మ్యాచ్‌లో ఈ సీజన్‌ టోర్నమెంట్‌ ప్రారంభం కానుండగా.. జనవరి 20న తమిళ్‌ తలైవాస్‌-గుజరాత్‌ జెయింట్స్‌ మధ్య జరిగే ఆఖరి మ్యాచ్‌లో లీగ్‌ ముగియనుంది. మొత్తం 66 మ్యాచ్‌లో జరగనున్నాయి. గత సీజన్‌కు భిన్నంగా ఈసారి ప్రతిరోజు మూడు మ్యాచ్‌లు జరగనున్నాయి. నేడు జరిగే రెండో మ్యాచ్‌లో తెలుగు టైటాన్స్‌ జట్టు తమిళ్‌ తలైవాస్‌తో తలపడనుంది. తెలుగు టైటాన్స్‌లో వికాస్‌ ఖండోలా, అభిషేక్‌ సింగ్‌, దీపక్‌ హుడా, పంకజ్‌ మొహితే వం టి స్టార్‌ ఆటగాళ్లు ఉన్నారు. పికేఎల్‌ వేలంలో అత్యధిక ధరకు అమ్ముడైన పర్‌దీప్‌ నర్వాల్‌ బెంగళూరు బుల్స్‌ తరఫున బరిలోకి దిగనున్నాడు.
ప్రొ కబడ్డీ లీగ్‌లో నేడు..
బెంగళూరు బుల్స్‌ × యు ముంబ
(రా.7.30 గం||ల నుంచి)
తెలుగు టైటాన్స్‌ × తమిళ్‌ తలైవాస్‌
(రా. 8.30 గం||ల నుంచి)
బెంగాల్‌ వారియర్స్‌ × యుపి యోథ
(రా. 9.30గం||ల నుంచి)