బెంగళూరు: ప్రొ కబడ్డీ లీగ్‌(పీకేఎల్‌) సీజన్‌-8లో దబాంగ్‌ ఢిల్లీ వరుసగా రెండో విజయాన్ని సొంతం చేసుకుంది. శుక్రవారం జరిగిన పోటీలో దబాంగ్‌ ఢిల్లీ 31-27పాయింట్ల తేడాతో యు ముంబను ఓడించింది. ఢిల్లీ రైడర్‌ నవీన్‌ కుమార్‌ 17రైడ్‌ పాయింట్లు సాధించగా.. జోగిందర్‌ 4, జీవ 2 ట్యాకిల్‌ పాయింట్లు సాధించారు. ఢిల్లీ జట్టు 2సార్లు యు ముంబను ఆలౌట్‌ చేయడంతోపాటు ఓ సూపర్‌ రైడ్‌ కూడా సాధించింది. మ్యాచ్‌ మొత్తమ్మీద ఇరుజట్లు 18 రైడ్‌ పాయింట్లు సాధిస్తే ఢిల్లీ 10 ట్యాకిల్‌ పాయింట్లను సాధించి విజయం సాధించింది. ఇక యు ముంబ తరఫున అజిత్‌ కుమార్‌ 7, శివమ్‌ అనిల్‌ 6, అభిషేక్‌ సింగ్‌ 5 రైడ్‌ పాయింట్లు సాధించారు.
మీ స్నేహితులకు రికమెండ్ చెయ్యండి
