- ప్రొ కబడ్డీ లీగ్‌
బెంగళూరు: ప్రొ కబడ్డీ లీగ్‌(పికెఎల్‌)లో యుపి యోథ తొలి విజయాన్ని సొంతం చేసుకుంది. శనివారం జరిగిన తొలి పోటీలో యుపి జట్టు 36-35 పాయింట్ల తేడాతో పట్నా పైరెట్స్‌ను చిత్తుచేసింది. యుపి తరఫున పర్‌దీప్‌ నర్వాల్‌ 12 రైడ్‌ పాయింట్లు సాధించగా.. సుమిత్‌ 5, ఆషు సింగ్‌ 3 ట్యాకిల్‌ పాయింట్లు సాధించారు. ట్యాకిల్స్‌లో పట్నా 17 పాయింట్లు సాధిస్తే.. రైడ్‌ల ద్వారా యుపి 20 పాయింట్లు సాధించింది. ఇక యుపి జట్టు 2సార్లు పట్నాను ఆలౌట్‌ చేయడంతోపాటు ఓ సూపర్‌ రైడ్‌ను సాధించడం విశేషం. మరో పోటీలో తెలుగు టైటాన్స్‌ జట్టు ఒక్క పాయింట్‌ తేడాతో పరాజయాన్ని చవిచూసింది. టైటాన్స్‌ 33-34 పాయింట్ల తేడాతో పుణేరి పల్టన్స్‌ చేతిలో ఓడింది. ఆఖరి రైడ్‌వరకు ఇరుజట్లు 33-33తో సమంగా ఉండగా.. చివర్లో పుణేరి జట్లు ఒక్క పాయింట్‌ సాధించి విజయం సాధించడం విశేషం.