- 18మందితో జట్టును ప్రకటించిన బీసీసీఐ
జోహాన్స్‌బర్గ్‌: దక్షిణాఫ్రికాతో జరిగే మూడు వన్డేల సిరీస్‌కు కేఎల్‌ రాహుల్‌ కెప్టెన్‌గా ఎంపికయ్యాడు. భారత క్రికెట్‌ కంట్రోల్‌బోర్డు(బీసీసీఐ) శుక్రవారం ప్రకటించిన 18మంది జట్టు సభ్యుల భారత బృందానికి కేఎల్‌ రాహుల్‌ కెప్టెన్‌గా ఎంపికవ్వగా.. వైస్‌ కెప్టెన్‌గా జస్ప్రీత్‌ బుమ్రా ఎంపికయ్యాడు. తొలుత దక్షిణాఫ్రికాతో వన్డే సిరీస్‌కు కేఎల్‌ రాహుల్‌ వైస్‌ కెప్టెన్‌గా ఎంపికయ్యాడు. వన్డే, టీ20 సిరీస్‌కు కెప్టెన్‌గా ఎన్నికైన రోహిత్‌ శర్మ గాయంనుంచి ఇంకా కోలుకోకపోవడంతో సెలక్షన్‌ కమిటీ కేఎల్‌ రాహుల్‌కు జట్టు పగ్గాలు అప్పగించింది. 18మందిలో ఆల్‌రౌండర్లు అక్షర్‌ పటేల్‌, రవీంద్ర జడేజాలతో సెలెక్షన్‌ కమిటీ మొండిచెయ్యి చూపింది. ఇక మహ్మద్‌ షమీ రాబోయే రెండు టెస్ట్‌లకు దూరమయ్యాడు. దీంతో వన్డే సిరీస్‌కు వైస్‌ కెప్టెన్‌గా జస్ప్రీత్‌ బుమ్రా ఎంపికయ్యాడు. వన్డే సిరీస్‌కు రోహిత్‌ శర్మను బిసిసిఐ ఎంపిక చేసినా.. గాయం కారణంగా టెస్ట్‌ సిరీస్‌కు దూరమైన రోహిత్‌.. గాయం తీవ్రత ఇంకా తగ్గకపోవడంతో వన్డే సిరీస్‌కు దూరమయ్యాడు.
జట్టు: కేఎల్‌ రాహుల్‌(కెప్టెన్‌), శిఖర్‌ ధావన్‌, రుతురాజ్‌ గైక్వాడ్‌, విరాట్‌ కోహ్లి, సూర్యకుమార్‌ యాదవ్‌, శ్రేయస్‌ అయ్యర్‌, వెంకటేశ్‌ అయ్యర్‌, రిషబ్‌ పంత్‌(వికెట్‌ కీపర్‌), ఇషన్‌ కిషన్‌, చాహల్‌, అశ్విన్‌, వాషింగ్టన్‌ సుందర్‌, బుమ్రా(వైస్‌ కెప్టెన్‌), భువనేశ్వర్‌ కుమార్‌, దీపక్‌ చాహర్‌, ప్రసిధ్‌ కృష్ణ, శార్దూల్‌ ఠాకూర్‌, మహ్మద్‌ సిరాజ్‌.
