- ఇంగ్లాండ్‌ ఆటగాళ్లకు మైకల్‌ సూచన
లండన్‌ : ఇండియన్‌ ప్రీమియర్‌ లీగ్‌ (ఐపీఎల్‌)లో ఆడేందుకు అంతర్జాతీయ షెడ్యూల్‌కు దూరం కావద్దని ఇంగ్లాండ్‌ క్రికెటర్లకు ఆ దేశ మాజీ కెప్టెన్‌ మైకల్‌ ఆథర్టన్‌ సూచించాడు. యాషెస్‌ సిరీస్‌లో ఆస్ట్రేలియా చేతిలో చావుదెబ్బ తిన్న ఇంగ్లాండ్‌ జట్టు ప్రస్తుతం అన్ని వైపులా విమర్శలు ఎదుర్కొంటుంది. ఐదు టెస్టుల సిరీస్‌ను మరో మ్యాచులు ఉండగానే 0-3తో ఆసీస్‌కు కోల్పోయింది. ' ఐపీఎల్‌లో ఆడేందుకు క్రికెటర్లు అంతర్జాతీయ షెడ్యూల్‌కు దూరం కాకూడదు. విశ్రాంతి, రొటేషన్‌ పద్దతి ఇక ఆపేయాలి. ఇంగ్లాండ్‌ స్టార్‌ క్రికెటర్లు ఆకర్షణీయ మొత్తం వేతనంగా అందుకుంటున్నారు. ఐపీఎల్‌లో ఆడేందు కోసం ఈసీసీ క్రికెటర్లకు రెండు నెలల విలువైన సమయాన్ని వదిలేయవద్దు. ఆ విషయాన్ని క్రికెటర్లకు ఈసీబీ స్పష్టం చేయాలి. ఏడాది కాంట్రాక్టులో ఐపీఎల్‌ కోసం రెండు నెలల ఎన్‌ఓసీ ఇవ్వమనే నిబంధన జోడించాలి' అని మైకల్‌ ఆథర్టన్‌ తెలిపాడు.