- ఐఎస్‌ఎల్‌లో నేడు ఏటీకె మోహన్‌భగన్‌తో ఢ
గోవా : ఇండియన్‌ సూపర్‌ లీగ్‌ (ఐఎస్‌ఎల్‌) పాయింట్ల పట్టికలో అగ్రస్థానం కోసం నేడు హైదరాబాద్, ఏటికె మోహన్‌భగన్‌ ఎఫ్‌సీలు ముఖాముఖి సమరంలో తేల్చుకోనున్నాయి. వరుసగా ఏడు మ్యాచుల్లో ఓటమెరుగని హైదరాబాద్ నేడు ఫేవరేట్‌గా బరిలోకి దిగుతోంది. అగ్రస్థానంలోని ముంబయి (16) కంటే ఓ పాయింట్‌ వెనుకంజలో ఉన్న హైదరాబాద్ (15) నేడు మోహన్‌భగన్‌పై విజయంతో తొలిసారి అగ్రస్థానం దక్కించుకోనుంది. మోహన్‌భగన్‌తో గత రికార్డు ఏమంత బాగాలేదు. అయినా, ఈ సీజన్‌లో హైదరాబాద్ అద్భుత రీతిలో ఆడుతోంది. స్టార్‌ ఆటగాడు ఒగ్బాచె ఎనిమిది గోల్స్‌తో జోరుమీదున్నాడు. గత మ్యాచ్‌లో ఒడిశాపై గోల్స్‌ వర్షం కురిపించిన హైదరాబాద్ నేడు మోహన్‌భగన్‌పైనా విరుచుకుపడేందుకు రంగం సిద్ధం చేసుకుంది.
మీ స్నేహితులకు రికమెండ్ చెయ్యండి
