- నాల్గో టెస్ట్‌
సిడ్నీ: యాషెస్‌ ఇసరీస్‌ నాల్గో టెస్ట్‌కు కొంతసేపు వర్షం అడ్డంకిగా నిలిచింది. వర్షం నిలిచిన అనంతరం ప్రారంభమైన టెస్ట్‌లో టాస్‌ గెలిచి తొలుత బ్యాటింగ్‌కు దిగిన ఆస్ట్రేలియా జట్టు తొలిరోజు ఆట ముగిసే సమయానికి 3 వికెట్ల నష్టానికి 126 పరుగులు చేసింది. వార్నర్‌(30), హర్రీస్‌(38) తొలి వికెట్‌కు 51 పరుగుల భాగస్వామ్యాన్ని నెలకొల్పారు. ఆ తర్వాత లబూషేన్‌(28) కూడా రాణించాడు. బుధవారం ఆట నిలిచే సమయానికి స్మిత్‌(6), ఖ్వాజా(4) క్రీజ్‌లో ఉన్నారు. ఐదు టెస్ట్‌ల యాషెస్‌ సిరీస్‌లో ఆస్ట్రేలియా జట్టు తొలి మూడు టెస్ట్‌ల్లో విజయం సాధించి 3-0తో సిరీస్‌ను కైవసం చేసుకున్న సంగతి తెలిసిందే.
మీ స్నేహితులకు రికమెండ్ చెయ్యండి
