కేప్‌టౌన్‌ : దక్షిణాఫ్రికాతో మూడో టెస్టు కోసం టీమ్‌ ఇండియా కేప్‌టౌన్‌కు చేరుకుంది. దక్షిణాఫ్రికా గడ్డపై తొలి టెస్టు సిరీస్‌ విజయమే లక్ష్యంగా సఫారీ నేలపై కాలుమోపిన టీమ్‌ ఇండియా ఆ దిశగా సెంచూరియన్‌లో అద్భుత విజయం నమోదు చేసింది. కానీ రెండో టెస్టు వేదిక వాండరర్స్‌లో ఆతిథ్య జట్టు అసమాన పోరాటంతో సిరీస్‌ సమమైంది. మూడు టెస్టుల సిరీస్‌ ఫలితం నిర్ణయాత్మక మూడో టెస్టుపై ఆధారపడి ఉంది. మంగళవారం నుంచి కేప్‌టౌన్‌లో భారత్‌, దక్షిణాఫ్రికా మూడో టెస్టు ఆరంభం కానుంది. మూడో టెస్టు కోసం కోహ్లిసేన కేప్‌టౌన్‌లో ముమ్మర సాధన చేస్తోంది. భారత క్రికెటర్ల ప్రాక్టీస్‌ సెషన్ల ఫోటోలను బీసీసీఐ సోషల్‌ మీడియాలో పంచుకుంది.
మీ స్నేహితులకు రికమెండ్ చెయ్యండి
