Thu 13 Jan 02:25:42.890157 2022
- హర్యానా స్టీలర్‌-యుపి యోథా మ్యాచ్‌ డ్రా
బెంగళూరు: ప్రొ కబడ్డీ లీగ్‌(పికెఎల్‌) సీజన్‌-8లో భాగంగా బుధవారం హర్యానా స్టీలర్‌-యుపి యోథా జట్ల మధ్య జరిగిన మ్యాచ్‌ డ్రా కాగా.. మరో పోటీలో బెంగళూరు బుల్స్‌ జట్టు ఘన విజయం సాధించింది. తొలి మ్యాచ్‌లో హర్యానా-యుపి మ్యాచ్‌ 36-36పాయింట్లతో డ్రా అయ్యింది. యుపి రైడర్‌ సురేందర్‌ గిల్‌ 14, పర్‌దీప్‌ నర్వాల్‌ 6, శ్రీకాంత్‌ జాదవ్‌ 5 రైడ్‌ పాయింట్లు సాధించారు. హర్యానా స్టీలర్స్‌ జట్టులో వికాశ్‌ ఖండోలా ఏకంగా 17 రైడ్‌ పాయింట్లతో అదరగొట్టాడు. ఇరు జట్లు 24 పాయింట్లను రైడ్‌ల ద్వారా సాధించాయి. హర్యానా జట్టు యుపిని 2, యుపి జట్టు హర్యానాను 4సార్లు ఆలౌట్‌ చేశాయి. ఏకపక్షంగా జరిగిన మరో పోటీలో బెంగళూరు బుల్స్‌ భారీ పాయింట్ల తేడాతో దబాంగ్‌ ఢిల్లీని చిత్తుచేసింది.
మీ స్నేహితులకు రికమెండ్ చెయ్యండి
