- ఇండియా ఓపెన్‌
న్యూఢిల్లీ: ఇండియా ఓపెన్‌ బ్యాడ్మింటన్‌ టోర్నీలో సైనా నెహ్వాల్‌, ప్రణయ్ రారు, లక్ష్యసేన్‌ శుభారంభం చేయగా.. జయరామ్‌ అనూహ్యంగా తొలిరౌండ్‌లోనే ఓటమిపాలయ్యాడు. బుధవారం జరిగిన తొలిరౌండ్‌ పోటీల్లో సైనా నెహ్వాల్‌ 22-20, 1-0 ఆధిక్యతలో ఉండగా చెక్‌ రిపబ్లిక్‌కు చెందిన టెరేజా గాయంతో మ్యాచ్‌ మధ్యలోనే వైదొలిగింది. మహిళల డబుల్స్‌లో అశ్విని పొన్నప్ప-సిక్కిరెడ్డి జోడీ 21-7, 19-21, 21-13తో భారత్‌కే చెందిన జనని-దివ్యను ఓడించారు. ఇక పురుషుల సింగిల్స్‌లో ప్రణరు రారు 21-14, 21-17తో పబ్లో అబియాన్‌(స్పెయిన్‌)ను, లక్ష్యసేన్‌ 21-15, 21-7తేడాతో ఆదామ్‌ హటేమ్‌(ఈజిప్టు)ను ఓడించారు. మరో పోటీలో అజయ్ జయరామ్‌ 21-19, 7-21, 14-21తేడాతో ఐర్లాండ్‌కు చెందిన నిహత్‌ చేతిలో ఓడాడు. ఇక పురుషుల డబుల్స్‌లో సాత్త్విక్‌ సాయిరాజ్‌-చిరాగ్‌ శెట్టి జోడీ 21-14, 21-10తేడాతో సునాయాసంగా గెలిచి రెండోరౌండ్‌లోకి ప్రవేశించారు.