దుబాయ్ : ఐసీసీ టీ20, వన్డే జట్లలో చోటు దక్కించుకోని భారత క్రికెటర్లకు ఎట్టకేలకు ఓ ఊరట!. 2021 ఐసీసీ టెస్టు జట్టులో భారత ఆటగాళ్లకు చోటు దక్కింది. రోహిత్‌ శర్మ ఓపెనర్‌గా, రిషబ్‌ పంత్‌ వికెట్‌ కీపర్‌గా, రవిచంద్రన్‌ అశ్విన్‌ స్పిన్నర్‌గా ఐసీసీ టెస్టు టీమ్‌ ఆఫ్‌ ది ఇయర్‌లో స్థానం సాధించారు. కేన్‌ విలియమ్సన్‌ కెప్టెన్‌గా ఎంపికయ్యాడు. దిమిత్‌ కరుణరత్నె, మార్నస్‌ లబుషేన్‌, జో రూట్‌, ఫవాద్‌ ఆలం, కైల్‌ జెమీసన్‌, హసన్‌ అలీ, షహీన్‌ అఫ్రిదిలో టెస్టు జట్టులో నిలిచారు.
భారత్‌ నం.3 : దక్షిణాఫ్రికా చేతిలో 1-2తో టెస్టు సిరీస్‌ కోల్పోయిన భారత్‌ ఐసీసీ ర్యాంకింగ్స్‌లో అగ్రస్థానం కోల్పోయింది. ఇంగ్లాండ్‌పై 4-0తో యాషెస్‌ సిరీస్‌ సాధించిన ఆస్ట్రేలియా అగ్రస్థానంలో నిలువగా ప్రపంచ టెస్టు చాంపియన్‌ న్యూజిలాండ్‌ రెండో స్థానంలో కొనసాగుతోంది. రెండు స్థానాలు దిగజారిన భారత్‌ మూడో స్థానంలో కొనసాగుతోంది.