- ఎస్‌సీ ఈస్ట్‌ బెంగాల్‌తో హైదరాబాద్‌ ఢ నేడు
- ఇండియన్‌ సూపర్‌ లీగ్‌ 2021
గోవా: వరుస మ్యాచుల్లో సాధికారిక ప్రదర్శన, ఐఎస్‌ఎల్‌ పాయింట్ల పట్టికలో తొలిసారి అగ్రస్థానం కైవసం. ఇండియన్‌ సూపర్‌ లీగ్‌లో ఇదీ హైదరాబాద్‌ ఎఫ్‌సీ జోరు. కోవిడ్‌ ఉదతి, జంషెడ్‌పూర్‌ ఎఫ్‌సీతో మ్యాచ్‌ వాయిదాతో హైదరాబాద్‌ ఎఫ్‌సీ సుమారు 15 రోజుల పాటు మైదానానికి దూరంగా ఉంది. కొత్త ఏడాది సీజన్‌ ఆరంభంలో విలువైన విరామం అందుకున్న హైదరాబాద్‌ ఎఫ్‌సీ ఆటగాళ్లు నేడు నయా సవాల్‌కు సిద్ధమవుతున్నారు. మరోసారి ఐఎస్‌ఎల్‌ పాయింట్ల పట్టికలో అగ్రస్థానంపై కన్నేసిన హైదరాబాద్‌ ఎఫ్‌సీ నేడు మూడు పాయింట్లు ఖాతాలో వేసుకోవటమే లక్ష్యంగా ఎస్‌సీ ఈస్ట్‌ బెంగాల్‌తో సమరానికి సై అంటోంది. హైదరాబాద్‌ ఎఫ్‌సీ, ఎస్‌సీ ఈస్ట్‌ బెంగాల్‌ ఎఫ్‌సీ మ్యాచ్‌ నేడు రాత్రి 7.30 గంటలకు ఆరంభం.
   హైదరాబాద్‌ ఎఫ్‌సీ ఆటగాళ్లు విరామం అనంతరం ఉత్సాహంగా బరిలోకి దిగనున్నారు. కోవిడ్‌ ఆంక్షల నడుమ విరామం జట్టుకు మేలు చేస్తుందా? ప్రతికూల ప్రభావం చూపుతుందా? అనే విషయం మైదానంలోనే తేలాల్సి ఉంది.