- ఫిబ్రవరి 16 నుంచి ఆరంభం
ముంబయి : 2021-22 రంజీ ట్రోఫీ సీజన్‌ లీగ్‌ దశ మ్యాచులకు దేశవ్యాప్తంగా 9 నగరాలు ఆతిథ్యం ఇవ్వనున్నాయి. ఫిబ్రవరి 16 నుంచి మార్చి 5 వరకు జరుగనున్న తొలి దశ రంజీ ట్రోఫీలో 38 జట్లు పోటీపడనున్నాయి. బయో సెక్యూర్‌ బబుల్స్‌లో జరుగనున్న రంజీ ట్రోఫీ లీగ్‌ మ్యాచులకు చెన్నై, అహ్మదాబాద్‌, తిరువనంతపురం, బెంగళూర్‌, రాజ్‌కోట్‌, కటక్‌, గువహటి, కోల్‌కత, హైదరాబాద్‌లు ఆతిథ్యం ఇవ్వనున్నాయి. తొమ్మిది నగరాల్లో రంజీ ట్రోఫీ లీగ్‌ మ్యాచుల షెడ్యూల్‌తో ఎలైట్‌ గ్రూప్‌, ప్లేట్‌ గ్రూప్‌లో పోటీపడే జట్ల సంఖ్యపై ఉత్కంఠ కనిపిస్తోంది. జనవరి 13న ఆరంభం కావాల్సిన రంజీ ట్రోఫీ కోవిడ్‌-19 కారణంగా వాయిదా పడిన సంగతి తెలిసిందే.