- కివీస్‌తో భారత్‌ ఏకైక టీ20 నేడు
క్వీన్స్‌టౌన్‌ : ఐసీసీ వన్డే ప్రపంచకప్‌ వేటకు న్యూజిలాండ్‌ పర్యటనకు వెళ్లిన భారత మహిళల జట్టు.. తొలుత ధనాధన్‌ పోరుతో సమరానికి సై అంటోంది. ఐదు వన్డేల సిరీస్‌ ఫిబ్రవరి 12 నుంచి ఆరంభం కానుండగా భారత్‌, న్యూజిలాండ్‌ నేడు ఏకైక టీ20 మ్యాచ్‌లో తలపడనున్నాయి. సీనియర్‌ బ్యాటర్‌, వన్డే కెప్టెన్‌ మిథాలీ రాజ్‌ పొట్టి మ్యాచ్‌లో ఆడటం లేదు. హర్మన్‌ప్రీత్‌ కౌర్‌, స్మృతీ మంధానలు భారత్‌ తరఫున కీలకం కానున్నారు. యువ బ్యాటర్‌ షెఫాలీ వర్మపై ఫోకస్‌ కనిపిస్తోంది. న్యూజిలాండ్‌ మహిళల జట్టు సైతం బలమైనది కావటంతో నేడు గట్టి పోటీని ఆశించివచ్చు. తొలి టీ20 పోరు నేడు ఉదయం 5.30 గంటలకు ఆరంభం. మ్యాచ్‌ అమెజాన్‌ ప్రైమ్‌లో ప్రసారం కానుంది.