- పోటీలు ప్రారంభించనున్న మంత్రి హరీశ్‌ రావు
సిద్దిపేట : తెలంగాణ ముఖ్యమంత్రి కల్వకుంట్ల చంద్రశేఖర్‌ రావు 68వ పుట్టినరోజు సందర్భంగా సిద్దిపేటలో సిఎం కెసిఆర్‌ క్రికెట్‌ ట్రోఫీని భారీ ఎత్తున నిర్వహించేందుకు ఏర్పాట్లు చేశారు. 258 జట్లు, 4 వేల మంది క్రీడాకారులు పాల్గొంటున్న ఈ టోర్నీని నేడు సిద్దిపేటలోని ఆచార్య జయశంకర్‌ స్టేడియంలో రాష్ట్ర ఆర్థికశాఖ మంత్రి హరీశ్‌ రావు, సినీ నటుడు అక్కినేని అఖిల్‌, రాష్ట్ర బ్యాడ్మింటన్‌ సంఘం ఉపాధ్యక్షుడు చాముండేశ్వరినాథ్‌లు ప్రారంభించనున్నారు. గురువారం నుంచి 45 రోజుల పాటు జరుగనున్న ఈ పోటీల్లో విజేతలకు రూ. 1 లక్ష, రన్నరప్‌కు రూ.50 వేలు నగదు బహుమతి అందించనున్నట్టు నిర్వాహకులు మచ్చ వేణుగోపాల్‌ రెడ్డి, కలకుంట్ల మల్లిఖార్జున్‌ తెలిపారు. గత ఏడాది సిఎం కెసిఆర్‌ ట్రోఫీలో ఆడిన సిద్దిపేట క్రికెటర్లు అప్రోజ్‌, అబ్రామ్‌లు హైదరాబాద్‌ రంజీ జట్టుకు ఎంపికైనట్టు నిర్వాహకులు వెల్లడించారు.