- ప్రైమ్‌ వాలీబాల్‌ లీగ్‌
హైదరాబాద్‌: ప్రైమ్‌ వాలీబాల్‌ లీగ్‌(పీవీఎల్‌)లో చెన్నై బ్లిట్జ్‌ అదిరిపోయే విజయంతో ఆకట్టుకుంది. గచ్చిబౌలి స్టేడియం వేదికగా గురువారం జరిగిన మ్యాచ్‌లో చెన్నై 3-2(15-14, 15-9, 15-14, 10-15, 12-15) తేడాతో కాలికట్‌ హీరోస్‌పై అద్భుత విజయం సాధించింది. ఆది నుంచే తమదైన జోరు కనబరిచిన చెన్నై తరఫున బ్రూనో డిసిల్వా 'మ్యాన్‌ ఆఫ్‌ ద మ్యాచ్‌'గా నిలిచాడు. విజయంతో రెండు పాయింట్లు ఖాతాలో వేసుకున్న బ్లిట్జ్‌..తమ సెమీస్‌ అవకాశాలను మరింత మెరుగుపర్చుకుంది. మొదటి సెట్‌లో ఫెర్నాండో గొంజాలె దూకుడైన ప్రదర్శనతో చెన్నై 7-5తో ముందంజ వేసింది. అయితే జెరోమి వినిత్‌, అజిత్‌లాల్‌ సీ చెలరేగడంతో కాలికట్‌ 9-9 స్కోరు సమం చేసింది. ప్రతి పాయింట్‌ కోసం ఇరు జట్లు హౌరాహౌరీగా తలపడ్డాయి. ఆధిక్యం చేతులు మారుతూ వచ్చిన మ్యాచ్‌లో వరుసగా మూడు సెట్లు కైవసం చేసుకున్న చెన్నై గెలుపు వైపు నిలువగా, ఆఖరి రెండు సెట్లు దక్కించుకున్న కాలికట్‌కు ఓదార్పు దక్కింది.