- చంఢగీడ్‌ తొలి ఇన్నింగ్స్‌ 200/6
కటక్‌ : హైదరాబాద్‌ పేసర్‌ రక్షణ్‌ రెడ్డి (4/55) నిప్పులు చెరిగాడు. రక్షణ్‌ పేస్‌ ప్రతాపంతో చంఢగీడ్‌ టాప్‌ ఆర్డర్‌ బ్యాటర్లు విలవిల్లాడారు. అస్లాన్‌ ఖాన్‌ (1), కన్వార్‌ (5), పురి (2), కౌశిక్‌ (1), గురిందర్‌ (0)లు క్రీజులో నిలువలేకపోయారు. మనన్‌ వోహ్రా (110, 167 బంతుల్లో 13 ఫోర్లు, 1 సిక్స్‌) శతకంతో చంఢగీడ్‌ను ఆదుకున్నాడు. వోహ్రా ఇన్నింగ్స్‌తో ఆ జట్టు తొలి ఇన్నింగ్స్‌లో 200/6తో కొనసాగుతోంది. రాజ్‌ బవ (39 నాటౌట్‌) అజేయంగా క్రీజులో ఉన్నాడు. హైదరాబాదీ స్టార్‌ పేసర్‌ సివి మిలింద్‌ మెరుపు బౌలింగ్‌తో ఆకట్టుకున్నా వికెట్లు పడగొట్టలేదు. తొలుత హైదరాబాద్‌ తొలి ఇన్నింగ్స్‌లో 347 పరుగుల భారీ స్కోరు సాధించింది. హనుమ విహారి (59), తిలక్‌ వర్మ (32), రవితేజ (32), ప్రతీక్‌ రెడ్డి (36), తనరు (38), సివి మిలింద్‌ (28) రాణించారు. హైదరాబాద్‌ తొలి ఇన్నింగ్స్‌కు చంఢగీడ్‌ మరో 147 పరుగుల వెనుకంజలో ఉంది.