- ఐఎస్‌ఎల్‌లో గోవాతో హైదరాబాద్‌ ఢీ
గోవా : ఇండియన్‌ సూపర్‌ లీగ్‌ (ఐఎస్‌ఎల్‌)లో గత ఐదు మ్యాచుల్లో ఏకంగా నాలుగు విజయాలు నమోదు చేసిన హైదరాబాద్‌ నేడు గెలుపే లక్ష్యంగా బరిలోకి దిగుతోంది. ప్లే ఆఫ్స్‌ రేసులో ఆశలు కోల్పోయిన గోవా ఎఫ్‌సీతో నేడు హైదరాబాద్‌ ఎఫ్‌సీ తలపడనుంది. పాయింట్ల పట్టికలో అగ్రస్థానంలో కొనసాగుతున్న హైదరా బాద్‌ నేడు గోవాపై మూడు పాయింట్లు సాధించాలని చూస్తుంది. ఐఎస్‌ఎల్‌ టాప్‌ స్కోరర్‌ ఓగ్బాచే నేడు గోవాపై గోల్స్‌ వర్షం కురిపించేందుకు సిద్ధమవుతున్నాడు. నిఖిల్‌ పుజారి, ఆకాశ్‌ మిశ్రాలు సైతం ఫామ్‌లో ఉండటంతో నేడు గోవాతో మ్యాచ్‌లో హైదరాబాద్‌ ఫేవరేట్‌గా బరిలోకి దిగుతోంది. హైదరాబాద్‌, గోవా మ్యాచ్‌ నేడు రాత్రి 9.30 గంటలకు ఆరంభం.