- ప్రపంచ నంబర్‌వన్‌ కార్ల్‌సన్‌కు షాక్‌
- పదహారేండ్ల కుర్రాడి చేతిలో ఓటమి
చెన్నై: భారత యువ గ్రాండ్‌ మాస్టర్‌ ప్రజ్ఞానంద ప్రపంచ నంబర్‌వన్‌ మాగస్‌ కార్ల్‌సన్‌కు షాకిచ్చాడు. ఎయిర్‌థింగ్స్‌ మాస్టర్స్‌ ఆన్‌లైన్‌ ర్యాపిడ్‌ చెస్‌ టోర్నీలో పదహారేండ్ల ప్రజ్ఞానంద.. కార్ల్‌సన్‌ను ఓడించి అద్భుత విజయాన్ని నమోదు చేశాడు. ఎనిమిదో రౌండ్‌లో నల్లపావులతో బరిలో దిగిన ఈ యువ గ్రాండ్‌మాస్టర్‌ కార్ల్‌సన్‌ను 39 ఎత్తులతో చిత్తు చేసి ఔరా అనిపించాడు. ఈ టోర్నీలో కార్ల్‌సన్‌ వరుస విజయాలకు మనోడు బ్రేక్‌ ఇచ్చాడు. అంతకుముందు లెవాన్‌ అరోనియన్‌ను ఓడించి శుభారంభం చేసిన ప్రజ్ఞానంద అనంతరం నాలుగింటిలో ఓడి రెండింటిని 'డ్రా' చేసుకున్నాడు.
మీ స్నేహితులకు రికమెండ్ చెయ్యండి
