- కివీస్‌తో అమ్మాయిల నాల్డో వన్డే నేడు
క్వీన్స్‌టౌన్‌ : న్యూజిలాండ్‌ పర్యటనలో వరుస పరాజయాలు చవిచూస్తున్న టీమ్‌ ఇండియా గెలుపు బాట పట్టాలని భావిస్తోంది. క్వారంటైన్‌ ముగించుకున్న స్టార్‌ బ్యాటర్‌ స్మృతీ మంధాన క్వీన్స్‌టౌన్‌లో జట్టుతో చేరింది. మంధాన లేకపోయినా ఓపెనర్‌గా తెలుగమ్మాయి మేఘన అదరగొట్టే ప్రదర్శన చేసింది. మంధాన రాకతో బ్యాటింగ్‌ ఆర్డర్‌లో మార్పులు చోటు చేసుకోనున్నాయి. మిడిల్‌ ఆర్డర్‌లో కెప్టెన్‌ మిథాలీరాజ్‌కు తోడు హర్మన్‌ప్రీత్‌ కౌర్‌ రాణించాల్సి ఉంది. కొంతకాలంగా పేలవ ఫామ్‌లో ఉన్న హర్మన్‌ప్రీత్‌పై విమర్శలు ఎక్కువవుతున్నాయి. ఈ నేపథ్యంలో జట్టుతో తన ఉనికి చాటుకునేందుకైనా హర్మన్‌ప్రీత్‌ ఓ మెరుపు ఇన్నింగ్స్‌ ఆడాల్సిన తరుణం ఆసన్నమైంది. వెటరన్‌ పేసర్‌ జులన్‌ గోస్వామి మంచి దూకుడు మీదుంది. న్యూజిలాండ్‌ వరుసగా మూడు వన్డేల్లో గెలుపొంది సిరీస్‌ను సొంతం చేసుకున్న సంగతి తెలిసిందే. నామమాత్రపు నాల్గో వన్డేలోనైనా భారత్‌ గెలుపు రుచి చూస్తుందేమో చూడాలి. భారత్‌, న్యూజిలాండ్‌ అమ్మాయిల నాల్గో వన్డే నేడు వేకువజామున 3.30 గంటలకు ఆరంభం కానుంది.