చెన్నై: ప్రపంచ నంబర్‌ వన్‌ చెస్‌ ఛాంపియన్‌ మాగస్‌ కార్ల్‌సన్‌పై సంచలన విజయం నమోదు చేసిన భారత యువ గ్రాండ్‌మాస్టర్‌ ఆర్‌.ప్రజ్ఞానంద మంగళవారం జరిగిన మరో రెండు రౌండ్లలో విజయాలను నమోదు చేసుకున్నాడు. తాజాగా 16 ఏళ్ల ప్రజ్ఞానంద రష్యా ఆటగాడు నాడిర్‌బెక్‌ అబ్దుసట్టారావ్‌తో డ్రా చేసుకొని.. 10, 12 రౌండ్లలో అండ్రీ ఎసిపెంకో, అలెగ్జాండ్రా కోస్టిన్యూక్‌లను ఓడించాడు. కానీ 11వ రౌండ్‌లో జీఎం లాన్‌ నెమోనియాచి చేతిలో ఓటమిపాలయ్యాడు. దీంతో ప్రజ్ఞానంద ఖాతాలో 15 పాయింట్లు ఉండగా.. 12వ స్థానంలో కొనసాగుతున్నాడు. బుధవారం జరిగే పోటీల్లో ప్రజ్ఞానంద మరో ముగ్గురు ప్లేయర్లతో తలపడను న్నాడు. తొలుత 13వ రౌండ్‌లో జర్మనీ ప్లేయర్‌ విన్‌సెట్‌ కీమర్‌తో, 14వ రౌండ్‌లో అమెరికా ప్లేయర్‌ హాన్స్‌ మోకె నీమన్‌తోను, చివరగా 15వ రౌండ్‌లో రష్యా ఆటగాడు వ్లాదిస్లేవ్‌ ఆర్తెమీవ్‌తో పోటీపడనున్నాడు. ఈ పోటీల్లో టాప్‌ ఎనిమిది స్థానాల్లో నిలిచిన ప్లేయర్లే నాకౌట్‌ దశకు చేరుకుంటారు. తొలిదశ పోటీల్లో ఇంకా ఏడు రౌండ్లు మిగిలి ఉన్నాయి.
