బెంగళూరు: ప్రొ కబడ్డీ లీగ్‌(పికెఎల్‌) సీజన్‌-8 ఫైనల్లోకి పట్న పైరెట్స్‌ ప్రవేశించింది. బుధవారం జరిగిన తొలి సెమీఫైనల్లో పట్న జట్టు 38-27పాయింట్ల తేడాతో యుపి యోథాను ఓడించింది. సచిన్‌ సారథ్యంలోని పట్న జట్టు పర్దీప్‌ నర్వాల్‌ ఉన్న యుపి యోథాను నిలువరించడం విశేషం. పికెఎల్‌ వేలంలో పర్దీప్‌ నర్వాల్‌ను అత్యధిక ధరకు యుపి జట్టు కొనుగోలు చేసిన సంగతి తెలిసిందే. తొలి సెమీస్‌ పోటీలో గుమన్‌ సింగ్‌(8), సచిన్‌(7) రైడ్స్‌లో రాణించగా.. చౌనేV్‌ా, సునీల్‌ ట్యాకిల్స్‌లో మెరిసారు. ఇక యుపి జట్టు శ్రీకాంత్‌ జాదవ్‌(10)రైడ్స్‌లో ఒంటరి పోరాటం చేయగా.. పర్దీప్‌ నర్వాల్‌(4) నిరాశపరిచాడు. ఇక పట్న జట్టు 6సార్లు యుపిని, యుపి జట్టు 2సార్లు పట్నను ఆలౌట్‌ చేశాయి. దబాంగ్‌ ఢిల్లీ-బెంగళూరు జట్ల మధ్య జరిగే రెండో సెమీస్‌ విజేతతో ఫైనల్లో పట్న జట్టు టైటిల్‌కై తలపడనుంది. ప్రొ కబడ్డీ లీగ్‌ ఫైనల్‌ శుక్రవారం(25న) జరగనుంది.