న్యూఢిల్లీ: భారతజట్టు మాజీ పేసర్‌ అజిత్‌ అగార్కర్‌ ఢిల్లీ క్యాపిటల్స్‌ సహాయ కోచ్‌గా ఎంపికయ్యాడు. ఢిల్లీ క్యాపిటల్స్‌ ట్విటర్‌ వేదికగా సహాయ కోచ్‌గా అజిత్‌ అగర్కార్‌ ఎంపిక విషయాన్ని ధృవీకరించింది. తమ జట్టుతో అజిత్‌ అగార్కర్‌ రాబోయే ఐపిఎల్‌ సీజన్‌లో కొనసాగనున్నట్లు ఆ ట్వీట్‌లో పేర్కొంది. ఢిల్లీ క్యాపిటల్స్‌లో కెప్టెన్‌గా రిషబ్‌ పంత్‌, హెడ్‌ కోచ్‌గా రికీ పాంటింగ్‌ ఉన్న సంగతి తెలిసిందే. 44ఏళ్ల అజిత్‌ అగార్కర్‌ భారత్‌ తరఫున 288 వన్డే, 58 టెస్టు వికెట్లు సాధించాడు. అగార్కర్‌కు ఐపిఎల్‌లో కోల్‌కతా నైట్‌ రైడర్స్‌, ఢిల్లీ డేర్‌ డెవిల్స్‌ తరఫున గతంలో ఆడిన అనుభవముంది. ఢిల్లీ క్యాపిటల్స్‌లకు ప్రవీన్‌ ఆమ్రే(అసిస్టెంట్‌ కోచ్‌), జేమ్స్‌ హోప్‌(బౌలింగ్‌ కోచ్‌)గా ఇప్పటికే నియమించుకుంది.
మీ స్నేహితులకు రికమెండ్ చెయ్యండి
