- దక్షిణాఫ్రికాతో రెండో టెస్టు
క్రైస్ట్‌చర్చ్‌: టాపార్డర్‌ విఫలమవడంతో దక్షిణాఫ్రికాతో జరుగుతున్న రెండో టెస్టులో న్యూజిలాండ్‌ కష్టాల్లో పడింది. రెండో రోజు ఆట ముగిసే సమయానికి న్యూజిలాండ్‌ మొదటి ఇన్నింగ్స్‌లో 5 వికెట్ల నష్టానికి 157 పరుగులు చేసింది. లాథమ్‌ (0), విల్‌ యాంగ్‌ (3), కాన్వే (16), బ్లండెల్‌ (6) విఫలమవగా.. గ్రాండ్‌హౌమ్‌ (54 బ్యాటింగ్‌బీ 7 ఫోర్లు, 2 సిక్సర్లు) అర్ధశతకంతో రాణించాడు. దక్షిణాఫ్రికా బౌలర్లలో రబడ 3 వికెట్లు పడగొట్టాడు. అంతకుముందు సఫారీ జట్టు తొలి ఇన్నింగ్స్‌లో 364 పరుగులు చేసింది. ప్రస్తుతం చేతిలో ఐదు వికెట్లు ఉన్న న్యూజిలాండ్‌.. ప్రత్యర్థి జట్టు స్కోరుకు ఇంకా 207 పరుగులు వెనుకబడి ఉంది.