- డెఫ్‌ఒలింపిక్స్‌ ట్రయల్స్‌లో టాప్‌
న్యూఢిల్లీ : తెలుంగాణ షూటర్‌ ధనుష్‌ శ్రీకాంత్‌ సత్తా చాటాడు. 2022 డెఫ్‌ ఒలింపిక్స్‌ ట్రయల్స్‌లో టాప్‌ లేపాడు. ఈ ఏడాది మేలో బ్రెజిల్‌ వేదికగా జరగాల్సిన డెఫ్‌ ఒలింపిక్స్‌ జాతీయ షూటింగ్‌ ట్రయల్స్‌ న్యూఢిల్లీలో నిర్వహించారు. పురుషుల 10 మీటర్ల ఎయిర్ రైఫిల్‌ విభాగంలో ధనుష్‌ శ్రీకాంత్‌ అగ్రస్థానం సాధించాడు. రెండు రోజుల పాటు సాగిన పోటీల్లో 627.4, 631.9 స్కోర్లతో ధనుష్‌ శ్రీకాంత్‌ సత్తా చాటాడు. డెఫ్‌ ఒలింపిక్స్‌కు బెర్త్‌ ఖాయం చేసుకున్నాడు. తెలంగాణకు చెందిన ధనుష్‌ శ్రీకాంత్‌ హైదరాబాద్‌లోని గగన్‌ నారంగ్‌ గన్స్‌ ఫర్‌ గ్లోరీ షూటింగ్‌ రేంజ్‌లో సాధన చేస్తున్నాడు. గగన్‌ నారంగ్‌ లీప్‌ ప్రోగ్రామ్‌ ప్రాజెక్ట్‌లో భాగంగా ధనుష్‌ శ్రీకాంత్‌కు ప్రత్యేక శిక్షణ ఇస్తున్నారు.
మీ స్నేహితులకు రికమెండ్ చెయ్యండి
