- గాయంతో ఐపీఎల్‌15కు దూరం
బెంగళూర్‌ : ఐపీఎల్‌ 15 ఆటగాళ్ల వేలంలో రికార్డు ధర దక్కించుకున్న పేస్‌ ఆల్‌రౌండర్‌ దీపక్‌ చాహర్‌ ఈ సీజన్‌ ఐపీఎల్‌కు దూరం కానున్నాడు. వెస్టిండీస్‌తో మూడో టీ20తో దీపక్‌ చాహర్‌ తొడ కండరాల గాయానికి గురయ్యాడు. జాతీయ క్రికెట్‌ అకాడమీలో ఫిట్‌నెస్‌ సాధనపై దృష్టి పెట్టిన దీపక్‌ చాహర్‌.. పూర్తిగా కోలుకునేందుకు కొన్ని వారాల సమయం పట్టనుందని సమాచారం. దీంతో ఐపీఎల్‌లో అత్యధిక మ్యాచులకు దీపక్‌ చాహర్‌ అందుబాటులో ఉండే అవకాశం లేదు. రూ.14 కోట్ల రికార్డు ధరతో దీపక్‌ చాహర్‌ను తిరిగి తీసుకున్న చెన్నై సూపర్‌కింగ్స్‌కు ఇది గట్టి ఎదురు దెబ్బ కానుంది. ఐపీఎల్‌ ఆటగాళ్ల వేలం చరిత్రలో ఏ ఆటగాడి కోసం రూ.10 కోట్లు వెచ్చించని చెన్నై సూపర్‌కింగ్స్‌ తొలిసారి దీపక్‌ చాహర్‌ కోసం ఆ పని చేసింది. పవర్‌ప్లేలో పవర్‌ఫుల్‌గా పేసర్‌గా ఎదిగిన దీపక్‌ చాహర్‌ గత సీజన్‌లో సూపర్‌కింగ్స్‌ టైటిల్‌ విజయంలో కీలక భూమిక వహించాడు.