- ఈ ఇంగ్లీష్‌ వేసవికి పుజారా ప్రణాళిక
న్యూఢిల్లీ : వరుస వైఫల్యాలతో భారత టెస్టు నుంచి ఉద్వాసనకు గురైన టెస్టు స్పెషలిస్ట్‌ బ్యాటర్‌ చతేశ్వర్‌ పుజారా.. జాతీయ జట్టులోకి తిరిగి దూసుకొచ్చేందుకు నిర్మాణాత్మక అడుగులు వేస్తున్నాడు. ఈ ఏడాది ఇంగ్లీష్‌ వేసవిలో కౌంటీ చాంపియన్‌షిప్‌, రాయల్‌ లండన్‌ వన్డే టోర్నీలో పోటీపడేందుకు సిద్ధపడుతున్నాడు. ఇంగ్లీష్‌ కౌంటీ క్రికెట్‌ క్లబ్‌ సస్సెక్స్‌ తరఫున చతేశ్వర్‌ పుజారా ఆడనున్నాడు. ట్రావిశ్‌ హెడ్‌ స్థానంలో పుజారాతో ఒప్పందం కుదుర్చుకున్నట్టు ఆ కౌంటీ యాజమాన్యం వెల్లడించింది. కౌంటీ చాంపియన్‌షిప్‌లో సస్సెక్స్‌ తొలి మ్యాచ్‌ ఏప్రిల్‌ 7న షెడ్యూల్‌ చేశారు. తొలి మ్యాచ్‌కు పుజారా అందుబాటులో ఉండనున్నాడని, వన్డే టోర్నీ ఆఖరు వరకు జట్టుతోనే ఉంటాడని సస్సెక్స్‌ కౌంటీ వెల్లడించింది.
మీ స్నేహితులకు రికమెండ్ చెయ్యండి
