న్యూఢిల్లీ: ఆసియా యూత్‌, జూనియర్‌ బాక్సింగ్‌ చాంపియన్‌షిప్‌ టోర్నీలో భారత బాక్సర్లు విశ్వనాథ్‌ సురేశ్‌ (48 కిలోలు), ఆనంద్‌ యాదవ్‌ (54) పసిడి పోరుకు దూసుకెళ్లారు. యూత్‌ విభాగంలో విశ్వనాథ్‌ 4-1తో మిరాలీజోన్‌ మావ్లోనవ్‌ (ఉజ్బెకిస్థాన్‌)పై నెగ్గి ఫైనల్‌కు చేరగా.. ఆనంద్‌ 3-2తో అబ్దువలీ బురిబోవ్‌ (ఉజ్బెకిస్థాన్‌)ను చిత్తు చేశాడు. మిగతా బౌట్‌లలో వంశజ్‌ (63.5), దీపక్‌ (75), అమన్‌సింగ్‌ బిష్త్‌ (92) విజయం సాధించారు. జూనియర్‌ విభాగం సెమీస్‌లో యశ్‌వర్ధన్‌ సింగ్‌ (60), రిషబ్‌సింగ్‌ శిఖర్‌వర్‌ (80) నెగ్గి స్వర్ణ పోరుకు ఎంపికవగా.. జయంత్‌ దగర్‌ (54), చేతన్‌ (57), జాక్సన్‌ సింగ్‌ లైశ్రమ్‌ (70 ), దేవ్‌ ప్రతాప్‌ సింగ్‌ (75), గౌరవ్‌ మాస్కే (80) సెమీస్‌లో పరాజయంతో కాంస్యంతో సరిపెట్టుకున్నారు.
మీ స్నేహితులకు రికమెండ్ చెయ్యండి
