- నాగాలాండ్‌తో రంజీట్రోఫీ ప్రి క్వార్టర్స్‌ మ్యాచ్‌
కోల్‌కతా: రంజీట్రోఫీ ప్రి క్వార్టర్‌ఫైనల్‌ మ్యాచ్‌లో జార్ఖండ్‌ జట్టు బ్యాటర్స్‌ సత్తా చాటారు. విరాట్‌ సింగ్‌(107), కుమార్‌ కుషగ్ర(112బ్యాటింగ్‌) సెంచరీలకి తోడు సూరజ్‌(66) అర్ధసెంచరీతో కదం తొక్కారు. దీంతో జార్ఖండ్‌ జట్టు తొలిరోజు ఆట ముగిసే సమయానికి 87 ఓవర్లలో 5 వికెట్లు కోల్పోయి 402 పరుగులు చేసింది. టాస్‌ ఓడి బ్యాటింగ్‌కు దిగిన జార్ఖండ్‌కు శుభారంభం దక్కింది. ఓపెనర్లు ఉత్కర్ష సింగ్‌(36), నజీమ్‌(28) తొలి వికెట్‌కు 60 పరుగులు జత చేశారు. కెప్టెన్‌ సౌరభ్‌ తివారి(29) నిరాశపరిచినా మిడిలార్డర్‌ బ్యాటర్స్‌ సెంచరీలతో కదం తొక్కారు. రంజీట్రోఫీ క్వార్టర్‌ఫైనల్‌కు చేరే ఆఖరి బెర్త్‌ కోసం జార్ఖండ్‌-నాగాలాండ్‌ జట్ల మధ్య ప్రి క్వార్టర్‌ఫైనల్‌ పోటీ జరుగుతోంది.