- భారత జిమ్నాస్టిక్స్‌ జట్టులో చోటు
అగర్తల : యువ జిమ్నాస్ట్‌, పశ్చిమ బెంగాల్‌ యువ సంచలనం పి. సమంత జిమ్నాస్టిక్స్‌ ప్రపంచకప్‌కు ఎంపికైంది. ఆరుగురు జిమ్నాస్ట్‌లతో కూడిన భారత జట్టులో యువ అథ్లెట్‌ చోటు దక్కించుకుంది. ఈజిప్ట్‌, అజర్‌బైజాన్‌లలో వరుసగా జిమ్నాస్టిక్స్‌ ప్రపంచకప్‌లు జరుగనున్నాయి. ఖేల్‌ ఇండియా యూత్‌ గేమ్స్‌లో పసిడి పతకం సొంతం చేసుకున్న 18 ఏండ్ల సమంత.. ప్రపంచ కప్‌లో ఆర్టిస్టిక్‌ జిమ్నాస్టిక్స్‌లో పోటీపడనుంది. మార్చి 17-20న కైరోలో ప్రపంచకప్‌ అనంతరం.. మార్చి 29- ఏప్రిల్‌ 1న బాకులో మరో వరల్డ్‌కప్‌ జరుగనుంది. భారత స్టార్‌ జిమ్నాస్ట్‌ దీప కర్మాకర్‌ కోచ్‌ బిశ్వేశ్వర్‌ నంది వద్ద ప్రస్తుతం సమంత శిక్షణ పొందుతుంది.