హైదరాబాద్‌: టైటెండ్‌ గ్లోబల్‌ స్పోర్ట్స్‌, స్కైకింగ్స్‌ ఫుట్‌బాల్‌ అకాడమీ సంయుక్తంగా ప్రతిభాన్వేషణ టోర్నమెంట్‌కు శ్రీకారం చుట్టాయి. తెలంగాణ ఫుట్‌బాల్‌ సంఘం భాగస్వామ్యంతో అండర్‌-21 టోర్నమెంట్‌ను ఈ నెల 19, 20న నిర్వహించనున్నారు. బోయిన్‌పల్లిలోని స్కైకింగ్స్‌ ఫుట్‌బాల్‌ అకాడమీ వేదికగా రెండు రోజుల పాటు జరుగననున్న సాకర్‌ టోర్నీలో 10 జట్లు పోటీపడుతున్నాయి. 11 ఏ సైడ్‌ ఫార్మాట్‌లో నిర్వహించే ఈ టోర్నీలో లీగ్‌ దశలో పది జట్లు రెండు గ్రూపులుగా విడిపోయి ఆడనున్నాయి. టోర్నీలో అత్యుత్తమ ప్రదర్శన చేసిన ఆటగాళ్లను స్కైకింగ్స్‌ ఫుట్‌బాల్‌ క్లబ్‌ జట్టుకు ఎంపిక చేయనున్నారు. దేశవ్యాప్తంగా నిర్వహించే సాకర్‌ టోర్నీల్లో స్కైకింగ్స్‌ ఎఫ్‌సీ తరపున బరిలోకి దిగే అవకాశం యువ ఆటగాళ్లకు ఈ టోర్నీ ద్వారా దక్కనుంది. మరిన్ని వివరాల కోసం 97042 99881 నెంబర్‌ను సంప్రదించండి.