గోవా : ఇండియన్‌ సూపర్‌ లీగ్‌(ఐఎస్‌ఎల్‌)లో హైదరాబాద్ ఎఫ్‌సీ అదరగొట్టింది. అట్లెటికో డీ కోల్‌కత మోహన్‌ భగాన్‌పై అద్భుత విజయంతో ఐఎస్‌ఎల్‌ ఫైనల్లోకి ప్రవేశించింది. రెండు అంచెల సెమీ సమరంలో కోల్‌కతపై 3-2తో పైచేయి సాధించిన హైదరాబాద్ ఎఫ్‌సీ తొలిసారి టైటిల్‌ పోరులో తలపడేందుకు రంగం సిద్ధం చేసుకుంది. బుధవారం గోవాలో జరిగిన రెండో అంచె సెమీఫైనల్లో కోల్‌కత 1-0తో పైచేయి సాధించింది. 79వ నిమిషంలో రారు కృష్ణ ఆ జట్టుకు గోల్‌ అందించాడు. తొలి అంచె సెమీఫైనల్లో 3-1తో గెలుపొందిన హైదరాబాద్ ఓవరాల్‌ గోల్‌ వ్యత్యాసంతో ఫైనల్లోకి ప్రవేశించింది. ఆదివారం జరిగే ఐఎస్‌ఎల్‌ టైటిల్‌ పోరులో కేరళ బ్లాస్టర్స్‌తో హైదరాబాద్ ఎఫ్‌సీ అమీతుమీ తేల్చుకోనుంది.
మీ స్నేహితులకు రికమెండ్ చెయ్యండి
