- షఫీక్‌, అజర్‌, బాబర్‌ అర్ధసెంచరీలు
లాహోర్‌: ఆస్ట్రేలియాతో జరుగుతున్న మూడో, ఆఖరి టెస్ట్‌లో పాకిస్తాన్‌ జట్టు తొలి ఇన్నింగ్స్‌లో 268 పరుగులకు కుప్పకూలింది. ఓపెనర్‌ షఫీక్‌(81), అజర్‌(78), బాబర్‌(67) అర్ధసెంచరీలతో రాణించినా.. రిజ్వాన్‌(1), ఇమామ్‌(11) నిరాశపరిచారు. 4 వికెట్లనష్టానికి 256 పరుగులు చేసి పటిష్టంగా ఉన్న పాక్‌ జట్టు ఆ తర్వాత వరుసగా వికెట్లు కోల్పోయింది. కేవలం 12 పరుగుల వ్యవధిలో అరడజన్‌ వికెట్లు కోల్పోవడంలో ఆసీస్‌ జట్టుకు 123 పరుగుల తొలి ఇన్నింగ్స్‌ ఆధిక్యత లభించింది. ఆసీస్‌ కెప్టెన్‌ కమ్మిన్స్‌కు ఐదు, స్టార్క్‌కు నాలుగు వికెట్లు లభించాయి. అనంతరం రెండో ఇన్నింగ్స్‌ ప్రారంభించిన ఆసీస్‌ జట్టు మూడోరోజు ఆట నిలిచే సమయానికి వికెట్‌ నష్టపోకుండా 11 పరుగులు చేసింది. తొలి ఇన్నింగ్స్‌లో ఆసీస్‌ జట్టు 391 పరుగులు చేసిన సంగతి తెలిసిందే.