- స్విస్‌ ఓపెన్‌ బ్యాడ్మింటన్‌ టోర్నీ
బసెల్‌: స్విస్‌ ఓపెన్‌ బ్యాడ్మింటన్‌ టోర్నమెంట్‌లో భారత్‌ షట్లర్‌, 7వ సీడ్‌ కిదాంబి శ్రీకాంత్‌, పారుపల్లి కశ్యప్‌ శుభారంభం చేశారు. బుధవారం జరిగిన తొలిరౌండ్‌ పోటీలో కిదాంబి 21-16, 21-17తో వరుససెట్లలో డెన్మార్క్‌కు చెందిన మ్యాడ్స్‌ క్రిస్టోఫర్‌ను ఓడించాడు. ఈ మ్యాచ్‌ను కిదాంబి కేవలం 32నిమిషాల్లోనే ముగించాడు. మరో పోటీలో పారుపల్లి కశ్యప్‌ 21-17, 21-8తో ఫ్రాన్స్‌కు చెందిన ఎనోగట్‌ రారును ఓడించాడు. ఇక పురుషుల డబుల్స్‌లో చిరాగ్‌శెట్టి-సాత్త్విక్‌ సాయిరాజ్‌ జోడీ 17-21, 21-11, 21-18తో ఇండోనేషియాకు చెందిన మహ్మద్‌-బగాస్‌ జోడిని ఓడిచి రెండోరౌండ్‌లోకి ప్రవేశించారు. మిక్స్‌డ్‌ డబుల్స్‌లో సుమిత్‌ రెడ్డి-అశ్విని పొన్నప్ప జోడీ 13-21, 9-21తో 5వ సీడ్‌ ఫ్రాన్స్‌కు చెందిన టామ్‌-డెల్ఫిన్‌ చేతిలో ఓడారు.