- డోపింగ్‌ టెస్ట్‌లో పాజిటివ్‌తో సస్పెండ్‌ చేసిన ఐసీసీ
దుబాయ్: దక్షిణాఫ్రికా క్రికెటర్‌ జుబేర్‌ హంజాను అంతర్జాతీయ క్రికెట్‌మండలి(ఐసిసి) సస్పెండ్‌ చేసింది. డోపింగ్‌ టెస్టులో పాజిట ివ్‌గా తేలడంతో ఐసిసి బుధవారం ఈ నిర్ణయం తీసుకుంది. హంజాపై వేసిన వేటు తక్షణమే అమల్లోకి వస్తుందని, ఈ విషయంపై క్రికెట్‌ సౌతాఫ్రికా(సీఎస్‌ఏ) ఒక ప్రకటన విడుదల చేసింది. ఐసీసీ విధించిన సస్పెన్షన్‌ను జుబేర్‌ హంజా అంగీకరించాడని పేర్కొంది. కాగా 2019లో పాకిస్థాన్‌తో జరిగిన టెస్టు ద్వారా జుబేర్‌ హంజా అంతర్జాతీయ క్రికెట్‌లో అరంగేట్రం చేశాడు. ఇప్పటివరకు ఆరు టెస్టులు ఆడి 212 పరుగులు సాధించాడు. గతేడాది నవంబర్‌లో నెదర్లాండ్స్‌తో మ్యాచ్‌ ద్వారా వన్డేల్లో ఎంట్రీ ఇచ్చిన హంజా 56 పరుగులు చేశాడు. ఆ తర్వాత కోవిడ్‌తో ఆ సిరీస్‌ రద్దయింది. ఇక గతవారం బంగ్లాదేశ్‌తో సిరీస్‌కు సీఎస్‌ఏ జట్టును ప్రకటించింది. కాగా జుబేర్‌ హంజా వ్యక్తిగత కారణాలతో బంగ్లాతో సిరీస్‌ నుంచి స్వయంగా వైదొలిగాడు.
