- ఐసిసి వన్డే ర్యాంకింగ్స్‌ విడుదల
దుబాయ్: అంతర్జాతీయ క్రికెట్‌ మండలి(ఐసిసి) విడుదల చేసిన వన్డే ర్యాంకింగ్స్‌లో టీమిండియా కెప్టెన్‌ మిథాలీ రాజ్‌, పేసర్‌ జులన్‌ గోస్వామి సత్తా చాటారు. ఐసిసి మంగళవారం విడుదల చేసిన మహిళల వన్డే ర్యాంకింగ్స్‌లో బ్యాటర్ల జాబితాలో భారత జట్టు కెప్టెన్‌ మిథాలీ రాజ్‌(686) ఆరో స్థానానికి, బౌలర్ల విభాగంలో ఝులన్‌ గోస్వామి 5వ స్థానానికి ఎగబాకారు. న్యూజిలాండ్‌ వేదికగా జరిగిన ప్రపంచకప్‌ మ్యాచుల్లో మిథాలీ వరుసగా రెండు మ్యాచుల్లో అర్ధశతకాలను నమోదు చేసింది. ఓపెనర్‌ స్మతీ మంధాన(669) తన పదో ర్యాంకును పదిలం చేసుకుంది. లారా వాల్వార్డెట్‌ (దక్షిణాఫ్రికా),బేత్‌ మూనీ(ఆసీస్‌),మెగ్‌ లానింగ్‌ (ఆసీస్‌),నటాలీ స్కివెర్‌(ఇంగ్లా ండ్‌), ఆలీసా హీలే(ఆసీస్‌) తొలి ఐదు స్థానాల్లో ఉన్నారు. బౌలర్ల విభాగంలో టీమిండియా నుంచి ఝులన్‌ గోస్వామి(663) మాత్రమే టాప్‌-10లో మాత్ర మే చోటు దక్కించుకుంది. ఇంగ్లండ్‌కు చెందిన సోఫీ ఎక్లేస్టోన్‌ అగ్రస్థానంలో ఉంది. ఇక ఆల్‌రౌండర్ల జాబితాలోనూ ఝులన్‌ గోస్వామి పదో స్థానంలోకి దూసుకొచ్చింది. దీప్తి శర్మ ఏడో ర్యాంకులో కొనసాగుతోంది. ఆసీస్‌కు చెందిన ఎలీసే పెర్రీ, నటాలీ స్కివెర్‌ మొదటి రెండు స్థానాల్లో నిలిచారు.