- ఐసిసి టెస్ట్‌ ర్యాంకింగ్స్‌ విడుదల
దుబాయ్: అంతర్జాతీయ క్రికెట్‌మండలి(ఐసిసి) టెస్ట్‌ ర్యాంకింగ్స్‌లో రోహిత్‌ శర్మ, విరాట్‌ కోహ్లి ర్యాంకింగ్స్‌లో దిగజారగా.. రవిచంద్రన్‌ అశ్విన్‌ తన ర్యాంక్‌ను మెరుగుపరుచుకున్నాడు. ఐసిసి బుధవారం విడుదల చేసిన ర్యాంకింగ్స్‌లో రోహిత్‌ శర్మ 754పాయింట్లతో 8వ స్థానంలో నిలువగా.. విరాట్‌ కోహ్లి 742పాయింట్లతో 10వ స్థానంలో నిలిచాడు. ఆల్‌రౌండర్ల విభాగంలో రవీంద్ర జడేజా అగ్రస్థానంలో ఉండగా.. వెస్టిండీస్‌ ఆల్‌రౌండర్‌ జాసన్‌ హౌల్డర్‌ను వెనక్కి నెట్టి అశ్విన్‌ రెండోస్థానానికి ఎగబాకాడు. బౌలర్ల విభాగంలో అశ్విన్‌ రెండు, బుమ్రా నాల్గో స్థానాల్లో నిలిచారు. వన్డే ర్యాంకింగ్స్‌లో కోహ్లి 2, రోహిత్‌ 4వ స్థానంలో ఉన్న సంగతి తెలిసిందే.
మీ స్నేహితులకు రికమెండ్ చెయ్యండి
