- 50వ జాతీయ మహిళల సీనియర్‌ చాంపియన్‌షిప్‌
హైదరాబాద్‌: హైదరాబాద్‌ వేదికగా 50వ జాతీయ మహిళల సీనియర్‌ హ్యాండ్‌బాల్‌ చాంపియన్‌షిప్‌ పోటీలు హౌరాహౌరీగా సాగుతున్నాయి. గెలుపు కోసం జట్లు చివరి నిమిషం దాకా కసిగా కొట్లాడుతున్నాయి. గురువారం జరిగిన వేర్వేరు మ్యాచ్‌ల్లో ఆయా రాష్ట్ర జట్లు ముందంజ వేశాయి. రాజస్థాన్‌ 19-11 తేడాతో మణిపూర్‌పై, బీహార్‌ 17-9తో లక్షద్వీప్‌పై, కర్ణాటక 22-9తో డామన్‌ డయ్యూపై, ఉత్తరప్రదేశ్‌ 17-14తో తమిళనాడుపై, మధ్యప్రదేశ్‌ 11-7తో అస్సాంపై విజయాలు సాధించి టోర్నీలో ముందంజ వేశాయి. సరూర్‌నగర్‌ స్టేడియంతో పాటు అక్షర ఇంటర్నేషనల్‌ స్కూల్‌ వేదికలుగా జరుగుతున్న ఈ టోర్నీ ఈనెల 3వ తేదీన ముగియనుంది. టోర్నీ మూడో రోజు మ్యాచ్‌లకు సాట్స్‌ చైర్మన్‌ వెంకటేశ్వర్‌రెడ్డి ముఖ్య అతిథిగా హాజరయ్యారు.