- సంతోష్‌ ట్రోఫీ
మలప్పురమ్‌: సంతోష్‌ ట్రోఫీ ఫుట్‌బాల్‌ ఛాంపియన్‌ షిప్‌ పోటీల్లో గత ఏడాది రన్నరప్‌ పంజాబ్‌ జట్టు రాణించింది. బుధవారం జరిగిన మ్యాచ్‌లో పంజాబ్‌ జట్టు 4-0 గోల్స్‌ తేడాతో రాజస్తాన్‌ను ఓడించి నాకౌట్‌ ఆశలను సజీవం చేసుకొంది. తొలి మ్యాచ్‌లో బెంగాల్‌ చేతిలో ఓటమితో పంజాబ్‌ జట్టు నాకౌట్‌కు చేరాలంటే ఆ మ్యాచ్‌లో తప్పక గెలవాల్సిన పరిస్థితి నెలకొంది. తాడో, పేడో తేల్చుకోవాల్సిన పోటీలో పంజాబ్‌ ఆటగాళ్లు సమిష్టిగా రాణించారు. 2021 సీజన్‌ రన్నరప్‌ పంజాబ్‌ జట్టు తరఫున అమర్‌ప్రీత్‌ సింగ్‌(37వ ని.),పరంజీత్‌ సింగ్‌ (63వ ని.), సబ్సిట్యూట్‌ ఆటగాడు తరుణ్‌(70, 81వ ని.)లో రెండు గోల్స్‌ కొట్టాడు. రాజస్తాన్‌ జట్టుకు టోర్నమెంట్‌లో ఇది వరుసగా మూడో ఓటమి.
మీ స్నేహితులకు రికమెండ్ చెయ్యండి
