- గెలుపు జట్టుకు ఐదు లక్షల నగదు
హైదరాబాద్‌ : ప్రణీత్‌ గ్రూప్‌ కంపెనీల ఆధ్వర్యంలో శనివారం నుంచి ప్రణీత్‌ ప్రీమియర్‌ లీగ్‌ సీజన్‌ 3 క్రికెట్‌ పోటీలు జరగనున్నాయి. హైదరాబాద్‌ నగరంలోని దుండిగల్‌లో ఉన్న రావూస్‌ క్రికెట్‌, బౌరంపేట్‌లోని ఒలింపియా క్రికెట్‌ గ్రౌండ్‌, బాచుపల్లిలో ఉన్న సీఏబీఏ క్రికెట్‌ గ్రౌండ్లో ప్రతి శని, ఆది వారం రోజుల్లో మే 21 వరకు లీగ్‌ మ్యాచులు జరగనున్నాయి. సీఏబీఏ క్రికెట్‌ గ్రౌండ్‌లో 22న సెమి ఫైనల్స్‌, 28న పైనల్స్‌ జరుగుతాయని నిర్వాహకులు తెలిపారు. లీగ్‌ మ్యాచులు 16 ఓవర్లు , సెమి ఫైనల్‌, ఫైనల్‌ ఆటలు 20 ఓవర్లుతో నిర్వహిస్తామని వెల్లడించారు. తోలి రెండు లీగ్‌ పోటీలు 2015-16, 2016-17 సీజన్‌ లో జరిగాయి. మూడో సీజన్‌ లో మొత్తం 14 జట్లు పాల్గొననున్నాయి. ఈ సీజన్‌లో తోలి స్తానం పొందిన జట్టుకు రూ.5 లక్షల నగదు బహుమతి, రెండో విజేతకు రూ.3 లక్షలు, మూడు, నాలుగు స్థానాలు పొందిన జట్టులకు రన్‌ రేట్‌ ఆధారంగా రూ.1 లక్ష వంతున నగదు బహుమతి అందచేస్తామన్నారు. మాన్‌ అఫ్‌ ది సిరీస్‌కు ఎలక్ట్రిక్‌ స్కూటర్‌, మాన్‌ అఫ్‌ ది మ్యాచ్‌ కు రూ 15 వేలు విలువ చేసే ఫోన్‌ ఇవ్వనున్నామన్నారు. బెస్ట్‌ బౌలర్‌, ఎక్కువ సిక్సర్లు కొట్టిన, వికెట్స్‌ తీసిన ఆటగాళ్లకు ప్రత్యేకంగా బహుమతులు అందచేయనున్నట్టు నిర్వాహకులు తెలిపారు.