ఏటిపి టాప్‌-10లో చోటు దక్కించుకున్న అతి పిన్న వయస్సుడు
మాడ్రిడ్‌: స్పెయిన్‌ యువ టెన్నిస్‌ స్టార్‌ కార్లోస్‌ అల్కరాజ్‌ చరిత్ర సృష్టించాడు. అంతర్జాతీయ టెన్నిస్‌ సమాఖ్య(ఏటిపి) సోమవారం ప్రకటించిన ర్యాంకింగ్స్‌లో టాప్‌-10లో చోటు దక్కించుకున్నాడు. దీంతో 18ఏళ్లకే ఏటిపి టాప్‌-10లో చోటు దక్కించుకున్న తొలి టెన్నిస్‌ ఆటగాడిగా అల్కరాజ్‌ రికార్డు నెలకొల్పాడు. 2005లో 18ఏళ్లకే స్పెయిన్‌కు చెందిన రఫెల్‌ నాదల్‌ ఇంతకుముందు టాప్‌-10లో చోటు దక్కించుకోగా.. మళ్లీ ఇన్నాళ్లకు అదే దేశానికి చెందిన అల్కరాజ్‌.. నాదల్‌ రికార్డును బ్రేక్‌ చేశాడు. ఆదివారం రాత్రి జరిగిన బార్సిలోనా ఫైనల్లో పబ్లో కర్రెన్నో బూస్టాను వరుససెట్లలో ఓడించాడు. దీంతో తాజా ర్యాంకింగ్స్‌లో అల్కరాజ్‌ 9వ స్థానంలో నిలు వగా.. ఆ స్థానంలో ఉన్న బ్రిటన్‌కు చెందిన కామెరూన్‌ నొర్రె టాప్‌-10నుంచి 11వ ర్యాంక్‌కు పడ పోయాడు. ఫామ్‌లో ఉన్న అల్కరాజ్‌ ఫిబ్రవరిలో మియామీ మాస్టర్‌ టోర్నీ టైటిల్‌ను గెలుచుకొన్నాడు.