- రాణించిన జైస్వాల్‌, పడిక్కల్‌
ముంబయి : రాజస్థాన్‌ రాయల్స్‌ అదిరే విజయం సాధించింది. లక్నో సూపర్‌జెయింట్స్‌పై 24 పరుగుల తేడాతో గెలుపొందిన రాజస్థాన్‌ రాయల్స్‌ పాయింట్ల పట్టికలో రెండో స్థానానికి ఎగబాకింది. ప్లే ఆఫ్స్‌లో చోటు ఖాయం చేసుకుంది. 179 పరుగుల ఛేదనలో దీపక్‌ హుడా (59, 39 బంతుల్ల 5 ఫోర్లు, 2 సిక్స్‌లు) అర్థ సెంచరీతో రాణించినా.. మిగతా బ్యాటర్లు తేలిపోయారు. క్వింటన్‌ డికాక్‌ (7), కెఎల్‌ రాహుల్‌ (10), ఆయుశ్‌ బదాని (0), జేసన్‌ హౌల్డర్‌ (1) ఫలమయ్యారు. కృనాల్‌ పాండ్య (25), మార్కస్‌ స్టోయినిస్‌ (27)లు లక్నోను గెలుపు దిశగా నడిపించటంలో విఫలమయ్యారు. రాయల్స్‌ పేసర్లు బౌల్ట్‌ (2/18), ప్రసిద్‌ కృష్ణ (2/32) చెలరేగటంతో లక్నో ఏ దశలోనూ లక్ష్యం దిశగా సాగలేదు. లక్నో 20 ఓవర్లలో 8 వికెట్లకు 154 పరుగులే చేయగలిగింది. తొలుత,
యువ బ్యాటర్లు యశస్వి జైస్వాల్‌ (41, 29 బంతుల్లో 6 ఫోర్లు, 1 సిక్స్‌), దేవ్‌దత్‌ పడిక్కల్‌ (39, 18 బంతుల్లో 5 ఫోర్లు, 2 సిక్స్‌లు) రాణించటంతో రాజస్థాన్‌ రాయల్స్‌ 20 ఓవర్లలో 6 వికెట్లకు 178 పరుగులు చేసింది. జోశ్‌ బట్లర్‌ (2) నిరాశపరిచాడు. కెప్టెన్‌ సంజు శాంసన్‌ (32, 24 బంతుల్లో 6 ఫోర్లు) బాధ్యతాయుత బ్యాటింగ్‌ చేశాడు. రన్‌రేట్‌ మరీ తక్కువగా ఉన్న సమయంలో దేవ్‌దత్‌ పడిక్కల్‌ కదం తొక్కాడు. ఐదు ఫోర్లు, రెండు సిక్సర్లతో విరుచుకుపడ్డాడు. లక్నో బౌలర్లలో జేసన్‌ హౌల్డర్‌ (2/12), బదాని (1/5) రాణించారు.