- డికాక్‌ శతకం, ప్లే ఆఫ్స్‌లో లక్నో
ముంబయి : లక్నో సూపర్‌జెయింట్స్‌ ప్లే ఆఫ్స్‌లో అధికారికంగా అడుగుపెట్టగా.. కోల్‌కత నైట్‌రైడర్స్‌ కథ ముగిసింది. 211 పరుగుల భారీ ఛేదనలో కోల్‌కత 208/8 పరుగులు చేసింది. రానా (42), శ్రేయస్‌ (50), బిల్లింగ్స్‌ (36) మెరువగా.. చివర్లో రింకూ సింగ్‌ (40), సునీల్‌ నరైన్‌ (21)లు మెరుపు ఇన్నింగ్స్‌లు ఆడినా ఫలితం దక్కలేదు. చివరి 12 బంతుల్లో 38 పరుగులు అవసరం కాగా.. కోల్‌కత 3 పరుగుల దూరంలో నిలిచింది. తొలుత, క్వింటన్‌ డికాక్‌ (140 నాటౌట్‌, 70 బంతుల్లో 10 ఫోర్లు, 10 సిక్స్‌లు), కెఎల్‌ రాహుల్‌ (68 నాటౌట్‌, 51 బంతుల్లో 3 ఫోర్లు, 4 సిక్స్‌లు) ధనాధన్‌ మోతతో లక్నో సూపర్‌జెయింట్స్‌ 20 ఓవర్లలో వికెట్‌ నష్టపోకుండా 210 పరుగుల భారీ స్కోరు చేసింది. 36 బంతుల్లో అర్థ సెంచరీ చేసిన డికాక్‌.. 59 బంతుల్లోనే శతకం సాధించాడు. బౌండరీల రూపంలోనే వంద పరుగులు పిండుకున్న డికాక్‌.. కోల్‌కత బౌలర్లపై విశ్వరూపం చూపించాడు.