- సైనా, ప్రణయ్, ప్రణీత్‌ పరాజయం
- థాయ్లాండ్‌ ఓపెన్‌ బ్యాడ్మింటన్‌
బ్యాంకాక్‌ : చారిత్రక థామస్‌ కప్‌ విజయ సారథులు కిదాంబి శ్రీకాంత్‌, హెచ్‌.ఎస్‌ ప్రణయ్లు థాయ్లాండ్‌ ఓపెన్‌లో మిశ్రమ ఫలితాలు చవిచూశారు. మెన్స్‌ సింగిల్స్‌లో శ్రీకాంత్‌ 18-21, 21-10, 21-16తో ఫ్రాన్స్‌ షట్లర్‌ బ్రైస్‌ లెరెర్డ్జెపై మూడు గేముల్లో తొలి రౌండ్‌లో గెలుపొందగా.. హెచ్‌.ఎస్‌ ప్రణరు 17-21, 21-15, 15-21తో మలేషియా షట్లర్‌ డారెన్‌ లీవ్‌ చేతిలో పోరాడి ఓడాడు. థామస్‌ కప్‌లో అసమాన ప్రదర్శన చేసిన ప్రణయ్పై పని ఒత్తిడి ప్రభావం చూపించవచ్చు!. బి. సాయిప్రణీత్‌ 12-21, 13-21తో, సౌరభ్‌ వర్మ 20-22, 12-21తో థారులాండ్‌ ఓపెన్‌ నుంచి నిష్క్రమించారు. మహిళల సింగిల్స్‌లో అగ్ర షట్లర్‌ పి.వి సింధు శుభారంభం చేసింది. అమెరికా షట్లర్‌ లారెన్‌ లామ్‌పై 21-19, 19-21, 21-18తో మూడు గేముల్లో గెలుపొందింది. స్టార్‌ షట్లర్‌ సైనా నెహ్వాల్‌ వైఫల్యం కొనసాగుతోంది. తొలి రౌండ్‌లో 21-11, 15-21, 17-21తో సైనా నెహ్వాల్‌ పోరాడి ఓడింది. యువ షట్లర్‌ మాళవిక 17-21, 21-15, 21-11తో రెండో రౌండ్లోకి ప్రవేశించింది.