- ఐపీఎల్‌ 16లో ఆడతాను : ధోని
ముంబయి : డిఫెండింగ్‌ చాంపియన్‌ చెన్నై సూపర్‌కింగ్స్‌ ఈ సీజన్‌లో ఏదీ కలిసిరాలేదు. కానీ వచ్చే సీజన్‌కు మరింత జోశ్‌, ఉత్సాహం నింపే వార్త వచ్చేసింది. దిగ్గజ ఆటగాడు ఎం.ఎస్‌ ధోని ఐపీఎల్‌ 2023లో సైతం ఆడతానని స్పష్టం చేశాడు. రాజస్థాన్‌ రాయల్స్‌తో చివరి లీగ్‌ మ్యాచ్‌కు ముందు వ్యాఖ్యాతతో ధోనీ ఆసక్తికర వ్యాఖ్యలు చేశాడు. '2023 ఐపీఎల్‌లో కచ్చితంగా ఆడతాను. చెన్నైలో ఆడకుండా, చెన్నై అభిమానులకు ధన్యవాదాలు చెప్పకుండా నిష్క్రమించటం సరైనది కాదు. 2023 ఐపీఎల్‌ సీజన్‌ నాకు చివరిదా, లేదా అనేది చెప్పలేను. వచ్చే సీజన్‌కు మరింత బలంగా వచ్చేందుకు కచ్చితంగా కఠోరంగా శ్రమిస్తాను' అని ఎం.ఎస్‌ ధోని తెలిపాడు. ఐపీఎల్‌ 15లో చెన్నై సూపర్‌కింగ్స్‌ ప్లే ఆఫ్స్‌కు చేరకుండానే నిష్క్రమించిన సంగతి తెలిసిందే.