- తొలి రౌండ్లోనే డిఫెండింగ్‌ చాంప్‌ ఓటమి
- ఫ్రెంచ్‌ ఓపెన్‌ గ్రాండ్‌స్లామ్‌ 2022
పారిస్‌ : మట్టికోర్టులో తొలిరోజే సంచలనం నమోదైంది. మహిళల సింగిల్స్‌ డిఫెండింగ్‌ చాంపియన్‌ బార్బరా క్రజికోవా (చెక్‌ రిపబ్లిక్‌)కు తొలి రౌండ్లోనే షాక్‌ తగిలింది. లోకల్‌ స్టార్‌ డైనె పారీ 1-6, 6-2, 6-3తో క్రిజికోవాపై గెలుపొందింది. గాయంతో ఆటకు దూరమైన క్రజికోవా ఎటువంటి మ్యాచ్‌ ప్రాక్టీస్‌ లేకుండా ఫ్రెంచ్‌ ఓపెన్‌ బరిలో నిలిచి ఖంగుతింది. తొలి సెట్లో 6-1తో గెలుపొందినా.. తర్వాతి రెండు సెట్లలో చిత్తుగా ఓడింది. జపాన్‌ భామ నవొమి ఒసాక సైతం 5-7, 4-6తో వరుస సెట్లలో ఓడి ఫ్రెంచ్‌ ఓపెన్‌ నుంచి నిష్క్రమించింది. మహిళల సింగిల్స్‌లో పెట్రా క్విటోవా 7-6(7-0), 6-1తో, పెట్కోవిక్‌ (జర్మనీ) 6-4, 6-2తో, విక్టోరియా అజరెంకా 6-7(7-9), 7-6(7-1), 6-2తో తొలి రౌండ్లో విజయాలు సాధించారు. టాప్‌ సీడ్‌ ఇగా స్వైటెక్‌ (లాతివా) 6-2, 6-0తో వరుస సెట్లలో అలవోక విజయం నమోదు చేసి రెండో రౌండ్లోకి ప్రవేశించింది.
